You are currently viewing زعفران | zafran k herat angez fawaid | Saffron benefits in urdu/english | Hakeem muhammad ismail

زعفران | zafran k herat angez fawaid | Saffron benefits in urdu/english | Hakeem muhammad ismail

khalis zafran

زعفران
زعفران لاطینی میں Rocus Sativus ہندی میں کسیر عربی میں زعفران بنگالی میں جعفران اور انگریزی میں سیفران
کیسرکاپودا پیاز کی مانند ڈیڈھ فٹ اونچاہوتاہے۔جس کیجڑ نیچے پیاز جیسی ایک گانٹھ نکلتی ہے پتے گہرے سبز پیاز کی طرح لمبے گھنے اور ان کا رخ زمین کی طرف زیادہ ہوتاہے۔جڑ کے پاس کے پتوں کے کنارے باہر کی طرف مڑے ہوئے ہوتے ہیں ستمبر اور اکتوبر میں پھل لگتے ہیں جوکہ بیگنی رنگ کے گچھوں میں دو سے تین ایک ساتھ بڑے خوبصورت معلوم ہوتے ہیں اس کی پنکھڑیاں چھ حصوں میں تقسیم ہوتی ہے اور اس میں کیسر کی تین تریاں نکلتی ہیں جو مادہ کیسر سے حاصل ہوتاہے ۔پھول نیم شگفتہ حالت اتار لئے جائیں ۔اس حالت میں پنکھڑیاں تقریباًلپٹی ہوئی ہوتی ہے۔لیکن سورج نکلنے پر پردہ کھل کر چپٹی ہوجاتی ہیں ۔یہ نیم وا پنکھڑیاں اتارتے ہی ان چھلنیوں میں ڈال دی جاتی ہیں جن کے نیچے نہایت مدھم آنچ ہوتی ہے۔اورا س طرح یہ نرم آنچ پرخشک ہوکروہ شکل اختیار کرلیتی ہیں جس کو ہم بازار سے خریدتے ہیں
یہ کشمیر میں پام دکشن میں عموماً4300ہزار فٹ کی بلندی پر اور کوئٹہ کے گرد و نواح میں اس کے علاوہ اٹلی سپیس فرانس ایران پرتگال ترکی اور چین وغیرہ میں ہوتا ہے۔
مزاج
گرم درجہ دوم۔۔۔خشک دوجہ اول
افعال
مدربول وحیض محلل ،جالی،مقوی قلب و دماغ اور جگر مقوی بدن محرک باہ
استعمال بیرونی
زعفران کو بعض اورام خصوصاًورم جگر ورم رحم کوتحلیل کرنے یا بعض ادویہ کی اصلاح کی غرض سے شامل کرکے ضماد کرتے ہیں ضعف بصر میں تنہا یا دوسرا ادویہ کے ہمراہ کھرل کرکے آنکھوں میں ڈالتے ہیں مدربول ہونے کی وجہ سے اس کا ریشہ احلیل یعنی پیشاب کی نالی میں رکھنے سے پیشاب جاری ہوجاتاہے۔ادارحیض کے لئے بھی فرزجہ کرتے ہیں ۔

استعمال اندرونی
دل و دماغ کو تفریح و تقویت دینے کے لئے مختلف طریقوں سے بکثرت استعمال کرتے ہیں ضعف باہ کے لئے مرکبات میں شامل کرکے کھلاتے ہیں اورادار حیض کیلئے کھلاتے ہیں فرحت بخشتی حواس اور دل و دماغ کو قوت دیتی ہے اس کا سونگھنا سرسام کو مفید ہے ۔رخسار کے رنگ کو صاف کرتی ہے۔بچہ آسانی سے پیدا ہونے کیلئے ایک گرام تک کھلاتے ہیں ایک یا ڈیڈھ گرام یا زعفران پچاس ملی لیٹر شیرگائو حل کرکے کپڑے میں چھان کر پلانے سے حیض بلاتکلیف کھل کر آتاہے۔پنجرے والے پالتو پرندوں کو اکثر بیماری میں زعفران کے چند ریشے پانی میں ڈال کر پلاتے ہیں.
نفع خاص
مفرح تریاق افیون
مضر
مضعف گردہ
مصلح
انیسوں ،زرشک،سکنجین
بدل
تخم اترج قسط اور تج
مقدار
دو چاول سے دو رتی تک
زعفران میں وٹامن اے، وٹامن سی، پوٹاشیم، میگنیشیم، فاسفورس، سلینیم اور زنک پایا جاتا ہے
زعفران گردے، مثانے اور جگر کو قوت دیتا ہے۔
زعفران بخار کی حالت میں دن میں دو بار پانی میں ملا کر کھلایا جائے تو بخار اتر جاتا ہے۔
زعفران گردے کے درد میں آرام پہنچاتا ہے۔
زعفران خارش ہونے کی صورت میں فائدہ مند ہے۔
زعفران بوجھل طبیعت میں تقویت دیتا ہے۔
زعفران کے استعمال سے بلغم کا اخراج بآسانی ہو جاتا ہے۔
زعفران کا استعمال اگر آنکھوں میں کیا جائے تو سرخی اور درد سے نجات مل جاتے ہے۔
زعفران عورتوں میں اگر حیض رک رک کر آتے ہوں تو دینا مفید ہے۔
زعفران پیشاب کی رکاوٹ میں دینا فائدہ مند ہے۔
زعفران شوگر کے مریضوں کے لئے بھی فائدہ مند ہے۔
زعفران کا شربت بنا کر حاملہ خواتین کو پلایا جائے تو فائدہ مند ہوگا۔
زعفران بھوک کی کمی کو دور کرتا ہے اور ہاضمہ بھی درست رکھتا ہے۔
زعفران تشنج میں بھی مفید ہوتا ہے۔
زعفران ڈپریشن میں بھی مفید پایا گیا ہے۔
زعفران الزائمر میں فائدہ مند ہے۔
زعفران ہماری یاداشت کو بڑھاتا ہے۔
زعفران وزن کم کرنے میں بھی ہمارا مددگار ہے۔
زعفران گوہانجنی پر لگایا جائے تو ٹھیک ہو جاتی ہے

Leave a Reply